ეკონომიკა

საპარტნიორო ფონდს თურქეთის დელეგაცია ეწვია

საპარტნიორო ფონდს თურქეთის რესპუბლიკის ეკონომიკის სამინისტროს საგარეო ეკონომიკური ურთიერთობების საბჭოს (DEIK) საერთაშორისო ტექნიკური საკონსულტაციო ბიზნეს საბჭოს დელეგაცია ეწვია.

საპარტნიორო ფონდის ინფორმაციით, ფონდში გამართულ შეხვედრაში თურქული მხრიდან მონაწილეობა თურქეთის რესპუბლიკის ეკონომიკის სამინისტროს ხელმძღვანელმა პირებმა და ბიზნეს სექტორის წარმომადგენლებმა მიიღეს. გაცნობითი ხასიათის შეხვედრაზე საპარტნიორო ფონდის აღმასრულებელმა დირექტორმა დავით საგანელიძემ თურქეთის დელეგაციის წევრებს ფონდის მანდატი, ფუნქცია, პრიორიტეტები, განხორციელებული და მიმდინარე პროექტები გააცნო.

თურქეთის რესპუბლიკის ეკონომიკის სამინისტროს საგარეო ეკონომიკური ურთიერთობების საბჭოს (DEIK) საერთაშორისო ტექნიკური საკონსულტაციო ბიზნეს საბჭოს დელეგაციის წევრებმა საპარტნიორო ფონდის მენეჯმენტს საბჭოს საქმიანობისა და საქართველოსთან მიმართებაში არსებული გეგმების შესახებ ინფორმაცია მიაწოდეს. შეხვედრაზე მხარეებმა სამომავლო თანამშრომლობის პერსპექტივებზე ისაუბრეს. თურქული მხარე საქართველოს ინფრასტრუქტურის; უძრავი ქონების, ენერგეტიკისა და ტურიზმის სექტორში კაპიტალდაბანდებით დაინტერესდნენ და საპარტნიორო ფონდთან ერთობლივი პროექტების განხორციელების სურვილი გამოთქვეს.

თურქეთის დელეგაცია საპარტნიორო ფონდის გარდა შეხვედრებს ქვეყნის მთავრობისა და ბიზნეს წრეების წარმომადგენლებთან გამართავს