უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
ეკონომიკა
საქართველო რეგიონის ინვესტიციებისა და სერვისების ჰაბი ხდება - ირაკლი გილაური
თბილისის აბრეშუმის გზის ფორუმის ფარგლებში, საქართველოს საინვესტიციო და სავაჭრო შესაძლებლობებისადმი მიძღვნილ თემატურ პანელზე სიტყვით გამოსვლისას საინვესტიციო ჯგუფ BGEO-ს გენერალურმა დირექტორმა ირაკლი გილაურმა საქართველოს მაკროეკონომიკურ და საინვესტიციო სექტორის პოტენციალზე, ასევე ქვეყნის ეკონომიკური განვითარების პერსპექტივებზე ისაუბრა.
ირაკლი გილაურის ინფორმაციით, ბოლო ათი წლის პერიოდში საქართველოს ეკონომიკა დაახლოებით 5%-ით გაიზარდა, მომავალი 10 წლის განმავლობაში კი მშპ შეიძლება გაორმაგდეს დოლართან მიმართებაში, რაც მისი განცხადებით, სწორი სამთავრობო პოლიტიკის შედეგია.
„საქართველო ეკონომიკურად დაახლოებით 5%-ით გაიზარდა. მომავალი 10 წლის განმავლობაში საქართველოს მშპ შეიძლება გაორმაგდეს დოლართან მიმართებაში. ერთ-ერთი მნიშვნელოვანი ფაქტორი აქ სამთავრობო პოლიტიკაა. მთავრობას აქვს შესანიშნავი პოლიტიკა, მაკრო-ხედვა, თავისუფალი ვაჭრობის შესახებ შეთანხმებები. ამიტომ ეს არის ქვეყანა, რომელიც შეიძლება რამდენიმე წელიწადში ისევე განვითარდეს, როგორც სინგაპური და დუბაი.“ - აღნიშნა საინვესტიციო ჯგუფ BGEO-ს გენერალურმა დირექტორმა.
პანელზე გილაურმა შემოსავლების ზრდის პროგნოზი გააკეთა. მისი შეფასებით, საქართველოს აქვს საინტერესო პოლიტიკა მაკროეკონომიკის განვითარებასთან მიმართებაში. „ეს არის ბიუჯეტის კონსოლიდირება, ბიუჯეტის დეფიციტი იკლებს, ინფრასტრუქტურის ხარჯები გასამმაგდა ბოლო წლების განმავლობაში, ასევე ხდება გადასახადების შემცირება მოგებისა და კორპორატიული გადასახადების თვალსაზრისით - აღნიშნული გვაძლევს საშუალებას, ვიფიქროთ რომ ჩვენი შემოსავლების აქსელერაცია მოხდება.“ - განაცხადა ირაკლი გილაურმა.
საინვესტიციო გარემოზე საუბრისას, BGEO-ს გენერალურმა დირექტორმა აღნიშნა, რომ საქართველოს სერვისების ჰაბად ჩამოყალიბების პოტენციალი აქვს და აღნიშნულის ძირითად ხელშემწყობ ფაქტორებად საქართველოში კორუფციის აღმოფხვრა და ტურიზმის სფეროს განვითარება დაასახელა. „საქართველო ხდება რეგიონის ინვესტიციებისა და სერვისების ჰაბი. საქართველოში კორუფციის აღმოფხვრა არის ერთ-ერთი მნიშვნელოვანი ფაქტი, რამაც ბიზნესს შეუქმნა კიდევ უფრო უკეთესი გარემო. საქართველო სულ უფრო და უფრო ვითარდება როგორც სერვისის და ტურიზმის მიმწოდებელი. ამ 5 წლის განმავლობაში გასამმაგდა ტურიზმის ბიზნესი. უამრავი ინვესტორი დააბანდებს თანხას სერვისების სფეროებში, როგორიცაა: ტურიზმი, ლოგისტიკა, ტრანსპორტი, ჯანდაცვა, განათლება, ჯანდაცვის სერვისები, ფინანსური სერვისები ექსპორტი, რითაც საქართველო შეიძლება გახდეს რეგიონის ფინანსური ჰაბი.“ - აღნიშნავს გილაური.