უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
რეგიონები
სოფელ ყარაჯალაში საპროტესტო აქცია გაიმართა
თელავის რაიონის სოფელ ყარაჯალას მცხოვრებლებმა აქცია გამართეს.
აქციის მონაწილეები ყოფილ ხელისუფლებას მიწების უკანონო გასხვისებაში ადანაშაულებენ.
საუბარია 15 ჰექტრამდე ნაკვეთზე, რომელზეც სოფლის სასაფლაო უნდა ყოფილიყო, თუმცა, მათი თქმით, 2011 წელს ფართი აუქციონის წესით 8 პირზე ისე გაიყიდა, რომ ამის შესახებ ადგილობრივებმა არაფერი იცოდნენ.
„მოთხოვნა იყო და არის ერთი რამ: რატომ მოხდა ამ მიწის გასხვისება? რა უფლებით? რატომ გაიტანეს აუქციონზე? ყველამ კარგად იცით, რომ როდესაც აუქციონზე გადის რაიმე, მოსახლეობის ინფორმირება ხდება. რატომ არ მოხდა ამ სოფლის ინფორმირება?“,-განაცხადა მედიასთან საუბარში აქციის მონაწილემ გელა მუსაევმა.
ყარაჯალას მცხოვრებლების მოთხოვნებს ადგილზე ადგილობრივი ხელისუფლების წარმომადგენელმა გაეცნო.
როგორც ჟურნალისტებთან საუბარში თელავის მუნიციპალიტეტის გამგებლის მოადგილემ, ლევან ბერძენიშვილმა განაცხადა, მიწების აქუციონზე გატანის შესახებ ინფორმაცია მუნიციპალიტეტს არ გააჩნია.
„ავუხსენით, რომ მუნიციპალიტეტს ეს ინფორმაცია არ გააჩნია. ამის განკარგვა მოხდა სახელმწიფო ქონების ეროვნული სააგენტოს მიერ. თუ მათ გააჩნიათ იმის გრძნობა, რომ არასამართლებრივად მოხდა ამის გასხვისება, შეუძლიათ შესაბამისი საჩივრით მიმართონ სამართალდამცავ ორგანოებს“,- განაცხადა ბერძენიშვილმა.
მონიკა დავლიანიძე