მოზაიკა

წვიმა, თოვლი და ქარბუქი - ხვალიდან ამინდი გაუარესდება

სინოპტიკოსები საქართველოში ხვალიდან ამინდის გაუარესებას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში წვიმაა მოსალოდნელი, მაღალ მთაში თოვლი, ზოგან ძლიერი. იქროლებს დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +8, +13; მთაში +5, +10; მაღალ მთაში 0, +5 გრადუსი.

აღმოსავლეთ საქართველოს უმეტეს რაიონში წვიმაა ნავარაუდევი. მაღალ მთაში მოსალოდნელია თოვლი და ქარბუქი. ჰაერის ტემპერატურა იქნება: დაბლობში +8, +13; მთაში +1, +6; მაღალ მთაში -2, +3 გრადუსი.

თბილისში წვიმას ელიან. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 20-25 მეტრი/წამში. ჰაერის მაქსიმალური ტემპერატურა კი დედაქალაქში +10 გრადუსი იქნება.

ნინო ექვთიმიშვილი