უკან
არქივი
რეგიონები
6 მაისი, 2017 16:55
ვისურვებდი, რომ ეს დღე აღარ განმეორდეს - ლევან ვარშალომიძე
,,ნაციონალური მოძრაობის’’ ბათუმის ოფისში დღეს აჭარის რევოლუციის 13 წლისთავი აღნიშნეს.
შეკრებილებმა 2004 წლის 6 მაისი გაიხსენეს, როდესაც ხალხმრავალი აქციების შემდეგ ავტონომიური რესპუბლიკის მაშინდელი მეთაური ასლან აბაშიძე თანამდებობიდან გადადგა და საქართველო დატოვა.
ღონისძიებას „ნაციონალური მოძრაობის“ აჭარის ორგანიზაციის ლიდერი, ლევან ვარშალომიძეც დაესწრო.
ვარშალომიძემ ნაციონალური მოძრაობის მმართველობის პერიოდში რეგიონში განხორციელებული პროექტები გაიხსენა.
„ჩვენი რეგიონისათვის დღევანდელი დღე ძალიან მნიშვნელოვანია, ყველას გვახსოვს სიტყვები „ასლანი გაიქაცა, აჭარა თავისუფალია“, მართლაც რეგიონმა მიიღო თავისუფლება. ვისურვებდი, რომ ეს დღე აღარ განმეორდეს. რეგიონიც და ქვეყანაც უნდა განვითარდეს“,- აღნიშნა ლევან ვარშალომიძემ.
ნინო ექვთიმიშვილი