მოზაიკა

2 და 3 აპრილს ზოგიერთ რაიონში ნალექს ელიან

სინოპტიკოსები საქართველოში 2 და 3 აპრილისთვის არამდგრად ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დღეს დასავლეთ საქართველოში დროგამოშვებით ღრუბლიანობა მოიმატებს. უმეტეს რაიონში მოსალოდნელია წვიმა, მაღალ მთაში თოვლი. იქროლებს დასავლეთის ქარი 9-14 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +8, +13; მაღალ მთაში +3, +8 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს. უმეტეს რაიონში ნავარაუდევია წვიმა, მაღალ მთაში კი, თოვლი. იქროლებს დასავლეთის ქარი 9-14 მეტრი/წამში. ჰაერის ტემპერატურა იქნება: დაბლობში +10, +15; მთაში +8, +13; მაღალ მთაში +3, +8 გრადუსი.

თბილისში დღეს დროგამოშვებით ღრუბლიანობა მოიმატებს. მოსალოდნელია წვიმა. იქროლებს ჩრდილო-დასავლეთის ქარი 8-13 მეტრი/წამში. ჰაერის მაქსიმალური ტემპერატურა კი, დედაქალაქში +12 გრადუსი იქნება.

ხვალ, 3 აპრილს დასავლეთ საქართველოში დროგამოშვებით ღრუბლიანობა მოიმატებს, თუმცა დღე უმეტესად უნალექოდ ჩაივლის. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +14, +19; მთაში +12, +17; მაღალ მთაში +10, +15 გრადუსი.

აღმოსავლეთ საქართველოში დილის საათებში ზოგან შესაძლებელია ხანმოკლე წვიმა. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +11, +16; მთაში +10, +15; მაღალ მთაში +5, +10 გრადუსი.

თბილისში ხვალ, დილის საათებში ზოგან შესაძლებელია ხანმოკლე წვიმა. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიამლური ტემპერატურა კი, დედაქალაქში +14 გრადუსი იქნება.

ნინო ექვთიმიშვილი